Dünya

Ərdoğan Suriya ərazilərinin Türkiyəyə birləşdirilməsi haqda DANIŞMAYIB

14 Dekabr 2024 16:25

Prezident Rəcəb Tayyib Ərdoğan Suriya şəhərlərinin Türkiyəyə birləşdirilməsindən danışmayıb.

Publika.az xəbər verir ki, bu barədə "RİA Novosti"yə Ankaradakı diplomatik mənbələr məlumat verib.

Mənbə Türkiyə liderinin ancaq bu bölgələrlə qardaşlıq münasibətləri məsələsini gündəmə gətirdiyini qeyd edib.

Xatırladaq ki, bundan əvvəl xəbər verilmişdi ki, Ərdoğan Sakaryada partiyasının üzvləri qarşısında keçirdiyi toplantıda Suriyanın beş şəhəri, o cümlədən ən böyüyü Hələb və Dəməşqin Türkiyənin əyalətlərinə çevriləcəyini bildirib.

Qeyd edək ki, dekabrın 13-də Ərdoğan deyib ki, Ankara müvəqqəti Suriya hökumətindən “doğru addımlar” atacağını və qonşu ölkələr üçün təhlükəyə çevrilməməsini gözləyir.

Xatırladaq ki, dekabrın 11-də ölkənin devrilmiş prezidenti Bəşər Əsədə tabe olan Suriya Nazirlər Kabineti bütün işləri keçid hökumətinə verib. Respublikanın keçmiş baş naziri Məhəmməd Qazi əl-Cəlali prosesin “rəvan getdiyini” vurğulayıb.

Adəm Abbaslı