Qrenlandiyada ABŞ-a qoşulmaqla bağlı SORĞU: Nəticə hər kəsi şoka saldı

Qrenlandiyalıların əksəriyyəti ABŞ-a qoşulmağa üstünlük verib.

Publika.az xəbər verir ki, “The Hill” qəzeti bu barədə “Patriot Polling” sorğusuna istinadən məlumat yayıb.

Sorğu iştirakçılarının 57,3%-i Qrenlandiyanın ABŞ-a qoşulmasını bəyənib. 37,4% hadisələrin bu inkişafının əleyhinə çıxıb. Respondentlərin daha 5,3%-i bu suala cavab verməkdə çətinlik çəkib.

“The Hill"in məlumatına görə, sorğuda cəmi 416 nəfər iştirak etsə də, bu, ilk dəfədir və Trampın daha böyük beynəlxalq planlarına dəstək olduğunu göstərir.

Qeyd edək ki, bir gün əvvəl siyasi ekspert Vanq Zaybanq bildirib ki, ABŞ-ın yeni seçilmiş prezidenti Donald Trampın Qrenlandiya və Panama kanalı ilə bağlı sözləri Vaşinqtonun dünya səhnəsindəki hegemonluğunun həssas vəziyyətdə olduğunu göstərir. Ekspert hesab edir ki, ABŞ-ın seçilmiş prezidenti və onun ətrafı görürlər ki, onların ölkələrinin hegemonluğu təhlükə altındadır və çoxqütblü dünyanın inkişafı tendensiyası artıq dayandırıla bilməz.

Adəm Abbaslı