Pentaqondan daha böyük olacaq: Türkiyə güc strukturlarını buraya toplayır - FOTO

30 avqust 2021-ci ildə təməli Rəcəb Tayyib Ərdoğan tərəfindən qoyulan "Türkiyənin Pentaqonu" olaraq xarakterizə edilən “Ay-Ulduz Birgə Qərargahı" 2028-ci ildə tamamlanacaq.

Publika.az xəbər verir ki, Türkiyənin milli müdafiə naziri Yaşar Gülər ​​“Ay-Ulduz Birgə Qərargah” layihəsinin son vəziyyəti ilə bağlı deputatların suallarını cavablandırıb.

Müdafiə naziri diqqətə çatdırıb ki, qərargah tikintisi TOKİ ilə imzalanmış protokol çərçivəsində həyata keçirilir:

“Bu çərçivədə layihənin tikintini əhatə edən birinci mərhələsinin 2025-ci ilin avqustunda, ikinci mərhələsinin isə bitirmə işləri tenderi 2025-ci ildə keçiriləcək. Ümumillikdə layihənin 2028-ci ilin əvvəlində tamamlanması gözlənilir.

“Ay-Ulduz Birgə Qərargahı" köçürülmə tamamlandıqdan sonra hazırda Milli Müdafiə Nazirliyi, Baş Qərargah, Quru Qoşunları Komandanlığı, Dəniz Qüvvələri Komandanlığı və Hərbi Hava Qüvvələri Komandanlığının istifadəsində olan bina, obyekt və ərazilərin vəziyyəti müəyyən ediləcək”.

Birgə istifadə olunacaq və əsas strukturun ortasında yerləşəcək aypara formalı konstruksiyada birində 1680, digərlərində isə 502 və 251 nəfərlik konfrans zalları olacaq. Kampus 15 minlik heyətə xidmət edəcək. Bu ərazilər dairəvi formada 23 min kvadratmetrlik mərasim sahəsi ilə əhatə olunacaq. Ərazinin qarşısında ulduz formalı qəbul və sərgi zalı binası olacaq.

Aysel Şahmar