Si Cinpindən müraciət: Bu ölkələrlə birgə "təmiz və gözəl" bir dünya qurmağa hazırıq

Pekin qlobal ekoloji idarəetməni təkmilləşdirmək üçün Şanxay Əməkdaşlıq Təşkilatına (ŞƏT) üzv ölkələrlə işləməyə hazırdır.

Publika.az Çin mediasına istinadən xəbər verir ki, bunu Çin prezidenti Si Cinpin bildirib.

Çin rəhbəri ŞƏT-in yaşıl və davamlı inkişaf forumunun iştirakçılarına təbrik məktubu göndərib.

"Çin Şanxay Ruhunu təşviq etmək, qlobal ətraf mühitin idarə olunması sisteminin təkmilləşdirilməsini təşviq etmək və birlikdə təmiz, gözəl və davamlı bir dünya qurmaq üçün bütün tərəflərlə əməkdaşlıq etməyə hazırdır", - Çin lideri deyib.

Si Cinpin qeyd edib ki, Çin ətraf mühitin qorunmasına diqqət yetirərək yaşıl inkişafa ardıcıl şəkildə sadiqdir və qlobal ekoloji sivilizasiyanın qurulmasında fəal iştirak edir.

ŞƏT 2001-ci ildə təsis edilmiş beynəlxalq təşkilatdır. Üzvlərinə Hindistan, İran, Qazaxıstan, Çin, Qırğızıstan, Rusiya, Tacikistan, Pakistan, Özbəkistan və Belarus daxildir. Tərəfdaş ölkələr Azərbaycan, Ermənistan, Əfqanıstan, Bəhreyn, Misir, Kamboca, Qətər, Küveyt, Laos, Maldiv adaları, Monqolustan, Myanma, Nepal, Birləşmiş Ərəb Əmirlikləri, Səudiyyə Ərəbistanı, Türkiyə və Şri-Lankadır.

Müəllif: Tural