İngiltərə Trampın planını sızdırdı: Ukrayna diz çökdürülür - Proses belə başlayacaq

ABŞ prezidenti Donald Trampın Ukraynadakı münaqişənin həllinə dair sülh planının Kiyevdə siyasi və diplomatik dairələrdə müzakirə edildiyi iddia edilir.

Publika.az xəbər verir ki, təfərrüatlar Britaniyanın "Daily Mail" tabloidində dərc edilib.

Qeyd olunur ki, prosesin Ukrayna lideri Vladimir Zelenski ilə Rusiya prezidenti Vladimir Putin arasında telefon danışığı ilə başlaması ehtimal edilir. Jurnalistlərin qeyd etdiyi kimi, fevralın sonu, martın əvvəlində dövlət başçılarının şəxsi görüşü gözlənilir.

Məqalədə deyilir ki, bundan sonra ABŞ saziş bağlamaq üçün beynəlxalq konfrans təşkil etməyi planlaşdırır.

Tabloid bildirib ki, atəşkəs aprelin 20-də başlaya bilər və tərəflər mayın 9-dək münaqişəyə son qoymaq üçün parametrləri razılaşdırmalıdırlar. Nəşr iddia edir ki, nizamlanmanın şərtləri Kiyevin Rusiyanın yeni sərhədlərini tanıması, qoşunların Kursk vilayətindən çıxarılması, NATO-ya üzv olmaqdan imtinası və nüvə neytrallığı olacaq. ABŞ 2030-cu ilə qədər Ukraynaya hərbi dəstək vermək və onun Avropa İttifaqına (Aİ) daxil olmasını asanlaşdırmaq niyyətindədir. Mənbələrin qeyd etdiyi kimi, Aİ Ukraynanın bərpası ilə bağlı öhdəlikləri qismən öz üzərinə götürəcək.

Adəm Abbaslı