ABŞ-la Rusiya arasında Manas qalmaqalı

Publika.Az-ın məlumatına görə, ABŞ-ın Moskvadakı səfiri Maykl Mak Folun Rusiyanı Qırğızıstana Manas hərbi bazasını bağlamaq üçün rüşvət verməkdə ittiham etməsi iki ölkə münasibətlərni yenidən qarışdırıb.

Mak Folun açıqlamalarına təəccüb edən Rusiya Xarici İşlər Nazirliyi səfirin iki ölkə münasibətləri ilə bağlı fikirlərini nəzakətsiz adlandırıb.

Mak Fol Moskvada Ali İqtisadi Məktəbində çıxışında - "Diplomatik şəkildə danışmayacağam. Kurmanbek Bakiyevə bizim Manas bazasını bağlaması üçün külli miqdarda rüşvət təklif etdiniz. Biz də rüşvət təklif etdik, sizdən 10 dəfə az. Amma nəticə almadıq" - bildirmişdi.

Rusiya XİN-i bildirib ki, Mak Fol bundan əvvəl də bu cür açıqlamalar verərək vəzifəsinə uyğun olmayan hərəkətlər edib.

Səfirlərin vəzifələrinin nağıl danışmaq yerinə həqiqətlərə əsaslanmış şəkildə ölkələr arasında münasibətləri inkişaf etdirmək olduğunu deyən nazirlik Mak Folu ittiham edib:

"Mak Fol Manas bazası ilə bağlı rüşvəti Vaşinqtonun kimə verdiyini daha yaxşı bilməlidir".

Anar Əhmədov

Publika.Az