Putin bu ölkənin prezidenti ilə ilk dəfə görüşdü

1985-ci ildə diplomatik əlaqələr quran Rusiya ilə Oman arasında ilk yüksək səviyyəli görüş bu gün Moskvada keçirilir.

Publika.az xəbər verir ki, Rusiya prezidenti Vladimir Putin Moskvada rəsmi səfərdə olan Oman sultanı Heysəm bin Tariq Əl Səidlə Kreml sarayında görüşüb.

Bu, Rusiya ilə Oman arasında 40 illik diplomatik münasibətlərdə ən yüksək səviyyədə ilk görüşdür. Putinin Əl Səidlə yeganə telefon danışığı 2023-cü il martın 23-də baş tutub. Bu, diplomatik münasibətlərin qurulmasından sonra ən yüksək səviyyədə ilk ikitərəfli təmas olub.

Putin Əl Səidi Rusiya ilə ərəb ölkələri arasında bu il keçirilməsi planlaşdırılan sammitə dəvət edib. Rusiya lideri enerji sektorunda Omanla əməkdaşlıqda əlavə addımların atılmasını gözlədiklərini bildirib:

“Rusiya şirkətləri Omanla əlaqələrin inkişafına böyük maraq göstərirlər. Ticarət-iqtisadi əlaqələr sahəsində görüləsi işlər çoxdur. Lakin hazırda logistika, nəqliyyat, qarşılıqlı investisiyalar, kənd təsərrüfatı sahəsində əlaqələrimizi inkişaf etdirmək imkanı var. Bu istiqamətlər üzrə işlər həmkarlarımız, o cümlədən hər iki tərəfin dövlət fondları səviyyəsində əməkdaşlıqda aparılır".

Roza