Dünya

Kamçatka zəlzələsindən sonra sunami Yaponiyaya çatdı

30 İyul 2025 07:41

Kamçatkada baş verən zəlzələdən sonra Yaponiyanın Hokkaydo adasının sahillərinə hündürlüyü təxminən 30 santimetr olan sunami çatıb.

Publika.az xəbər verir ki, bu barədə ölkənin Meteorologiya Agentliyi məlumat yayıb.

Dalğa Hokkaydonun şərq ucunda yerləşən Nemuro liman şəhərində qeydə alınıb. Seysmoloqlar xəbərdarlıq ediblər ki, sunami bir neçə dalğa şəklində gələ biləcəyi üçün hündürlüyü üç metrə çatan sunami təhlükəsi qalmaqdadır.

Hakimiyyət ictimaiyyəti ayıq-sayıq olmağa və sunami təhlükəsi tamamilə aradan qaldırılana qədər sahilyanı əraziyə qayıtmamağa çağırıb.

Kamçatkada baş verən zəlzələdən sonra Yaponiyanın bütün Sakit okean sahilləri üçün sunami xəbərdarlığı edilib. Bununla əlaqədar olaraq ölkənin mərkəzi və şimal-şərq hissəsində Şinkansen yüksək sürətli qatarının fəaliyyəti müvəqqəti olaraq dayandırılıb.

Hüseyn İbadlı