Dünya

ABŞ təəccüb içində: Putin Çinə görün hansı hədiyyə ilə gedir

29 Avqust 2025 09:08

Rusiya prezidenti Vladimir Putin yaxın günlərdə Çinə səfər edəcək. O, Pekində keçiriləcək sammit və hərbi paradda iştirak etməzdən əvvəl Çinə xüsusi hədiyyə təqdim etməyi planlaşdırır.

Publika.az xəbər verir ki, bu barədə Çinin “Sohu” nəşri yazıb.

Hədiyyə Rusiyada istehsal olunan PD-14, PD-8 və PD-35 təyyarə mühərrikləri ola bilər. Sözügedən mühərriklər əsasən Çin istehsalı olan C919 təyyarələri ilə əlaqələndirilir.

Ekspertlər hesab edirlər ki, ABŞ-la ticarət müharibəsi fonunda Çinin yüksək texnologiyalara çıxış imkanları məhdudlaşıb və Moskvanın təklif etdiyi alternativ Pekin üçün strateji əhəmiyyət kəsb edir. Lakin bunun ABŞ tərəfindən necə qarşılanacağı da sual doğurur.

Daha əvvəl “Rostec” də bəyan etmişdi ki, əgər Pekin müraciət etsə, Rusiya Çinə təyyarə mühərriklərini tədarük etməyə hazırdır.

Çin mediası Putinlə Si Cinpinin görüşünü “tarixi” adlandırır.

Akqabay