Qadın və kişilər arasında əməkhaqqı fərqinin ən çox olduğu ölkələrin adları açıqlandı

Keçən il G20 ölkələri arasında qadınlar və kişilər arasında ən böyük əməkhaqqı fərqi Cənubi Koreya, Hindistan və Rusiyada aşkar edilib.

Publika.az xəbər verir ki, bu barədə “RİA Novosti” müxtəlif ölkələrin statistik xidmətlərinin məlumatlarını və ictimaiyyətə açıq məlumatları araşdırdıqdan sonra yazıb.

Ən böyük gender əməkhaqqı fərqi Cənubi Koreyada aşkar edilib, burada qadınlar kişilərdən 32,5% az qazanır. Hindistan 30,41% fərqlə onu izləyir. Rusiya 2023-cü ilin rəqəmlərinə əsasən 30,36% fərqlə ilk üçlüyü tamamlayır (yeni rəsmi məlumatlar mövcud deyil).

Həmçinin Səudiyyə Ərəbistanında (28,2%), Türkiyədə (27,1%), Böyük Britaniyada (26,8%), Argentinada (26,33%), Yaponiyada (26,27%), İtaliyada (24,8%), Fransada (23,7%) və Meksikada (21,6%) əməkhaqqı fərqi də 20%-dən yüksək olub.

Sonrakı yerlərdə Braziliya - 18,1%, ABŞ - 17,3%, İndoneziya - 16,6% (2023-cü ilin məlumatlarına görə) və Almaniya (15,6%) qərarlaşıb.

G20 ölkələri arasında ən kiçik boşluqlar Avstraliya (10,7%), Kanada (12,6%) və Çində (13%) aşkar edilib.

Tural