Üç ildir bu şəhəri qorxu altında saxlayan adamyeyən həbs edildi

Qanada Yuxarı Qərb Bölgəsində hüquq-mühafizə orqanları üç il ərzində oxşar cinayətlər törətdiyi iddia edilən, adamyeyənlikdə şübhəli bilinən şəxsi həbs edib.

Publika.az bu barədə “Daily Star” nəşrinə istinadən məlumat verir.

Həbs Va şəhərində baş verib. Səlahiyyətlilər saxlanılan şəxsin kimliyi və hadisənin təfərrüatları ilə bağlı açıqlama verməkdən çəkinirlər, lakin hüquq-mühafizə orqanlarındakı məlumatlı mənbə qeyd edib ki, həbs son bir ildə rayonda baş verən bir sıra müəmmalı itkinlik və qətllərin araşdırılmasında mühüm irəliləyişlərə səbəb olub.

Yerli xəbərlərə görə, həbs olunan şəxs işgəncədə də ittiham olunur, lakin qurbanların dəqiq sayı açıqlanmır.

Bu arada polis mənbələri bildirirlər ki, 2022-ci ildən başlayaraq Va şəhərində taksi sürücülərinə və gecə işləyən digər vətəndaşlara edilən hücumlar ölümlə nəticələnib. Bu cinayətlərin ritual xarakter daşıdığı və yerli sakinlər arasında panikaya səbəb olduğu bildirilir.

Saxlanılan şəxsin bu hadisələrdə əli olub-olmaması qeyri-müəyyən olaraq qalır.

Tural