Dünya

Rasmussendən QORXULU PROQNOZ - Bu ölkə “əbədi müharibə” ilə üzləşə bilər

6 Noyabr 2025 20:24

"Avropa Ukrayna Silahlı Qüvvələrinə dəstək yanaşmasını dəyişməsə, Ukrayna “əbədi müharibə” ilə üzləşə bilər".

Publika.az xəbər verir ki, bunu NATO-nun keçmiş baş katibi Anders Foq Rasmussen "The Guardian"a bildirib.

“Strategiyamızda ciddi dəyişikliklər etməsək, əbədi müharibə vəziyyətinə düşmək riskimiz var”, - o vurğulayıb.

Bununla əlaqədar Rasmussen Ukrayna üzərində “hava qalxanı” yaratmağı və atəşkəs əldə olunana qədər Avropa qoşunlarının ölkəyə daxil edilməsini təklif edib.

Noyabrın 6-da NATO-nun baş katibi Mark Rutte NATO müttəfiqlərini Rusiya ilə uzunmüddətli qarşıdurmaya hazırlaşmağa çağırıb, çünki Rusiya dünyada və Avropada “əsas sabitliyi pozan qüvvədir”.

Onun bəyanatına cavab olaraq Rusiya Xarici İşlər Nazirliyinin sözçüsü Mariya Zaxarova alyansın baş katibindən Rusiya, Çin və Şimali Koreyanın pozduğu “qlobal qaydaların” siyahısını dərc etməyi tələb edib .

Hüseyn İbadlı