Cənubi Koreya xəbərdarlıq etdi: Toqquşma riski yüksəkdir

Cənubi Koreya prezidenti Li Çje Myon Şimali Koreya ilə təsadüfi toqquşma riskləri barədə xəbərdarlıq edib və Seulun bu riskləri azaltmaq üçün Pxenyanla dialoqu bərpa etmək səylərini davam etdirməli olduğunu vurğulayıb.

Publika.az xəbər verir ki, bu barədə "Yonhap" agentliyi məlumat yayıb.

"Münasibətlər düşmənçiliyə çevrilib və Şimali Koreya hətta ən sadə etimad səviyyəsi olmadan ekstremal addımlar atır. Biz çox təhlükəli vəziyyətdəyik, hər an təsadüfi toqquşmalar başlaya bilər", - deyə Li jurnalistlərə bildirib.

Cənubi Koreyanın Pxenyanı danışıqlar masasına cəlb etmək üçün ABŞ-la birgə hərbi təlimləri məhdudlaşdırmaq imkanına gəlincə, Li bunun Şimali Koreya üçün "ən həssas" məsələ olduğunu və təcili nəticə çıxarmağın vacib olduğunu deyib.

Onun sözlərinə görə, irimiqyaslı təlimlərin zəruriliyini aradan qaldıracaq sabit sülh rejimi uzunmüddətli perspektivdə arzuolunandır, lakin təlimlərin keçirilməsi ilə bağlı qərarlar dəyişən şəraitdən asılı olmalıdır.

Adəm