Dünya

ABŞ Ukraynanı ərazi güzəştinə buna görə məcbur edir: Detallar açıqlandı

25 Noyabr 2025 11:18

ABŞ prezidentinin xüsusi elçisi Stiv Uitkoff qərara gəlib ki, Ukrayna zəif hərbi mövqeyinə görə ərazi güzəştlərinə ehtiyac duyur.

Publika.az xəbər verir ki, bu barədə “The Wall Street Journal” (WSJ) rəsmilərə istinadən yazıb.

"Uitkoff, ABŞ və digər ölkələrin rəsmiləri ilə danışdıqdan və kəşfiyyat məlumatlarını nəzərdən keçirdikdən sonra Ukraynanın daha zəif hərbi vəziyyətdə olduğu qənaətinə gəlib", - hesabatda deyilir.

Rəsmilər Kiyevin cəbhədə böyük itkilər verdiyini və hazırda əlverişsiz vəziyyətdə olduğunu etiraf ediblər. Münaqişəyə son qoymaq üçün Ukrayna əhəmiyyətli güzəştlərə getməli olacaq.

Noyabrın 24-də Ukrayna Prezident Administrasiyasının rəhbəri Vladimir Zelenskinin müşaviri Oleksandr Bevz ABŞ prezidenti Donald Trampın administrasiyası tərəfindən hazırlanmış 28 bəndlik sülh planının artıq mövcud olmadığını açıqlayıb. O, planın bəzi müddəalarının çıxarıldığını, bəzilərinin isə dəyişdirildiyini bildirib.

Tural