Bakıdan qayıdan erməni: Azərbaycanla sülhə qarşı çıxanlar ya əclafdır, ya da...

İstər Ermənistanda, istərsə də müəyyən qədər Azərbaycanda qəzəb, inamsızlıq, inciklik var. Bu, 35 illik düşmənçilik və nifrətdən sonra tamamilə təbiidir. Ermənistan-Azərbaycan münaqişəsi belə hadisələrin baş verdiyi yeganə münaqişə deyil. Bu problemləri həll etmək və bu hissləri aradan qaldırmaq üçün hələ çox iş görülməlidir.

Publika.az xəbər verir ki, bunu noyabrın 24-də jurnalistlərlə görüşündə Ermənistan vətəndaş cəmiyyəti qrupunun üzvü Areq Koçinyan deyib.

“Azərbaycan ekspertləri və vətəndaş cəmiyyəti nümayəndələri Ermənistana səfər edəndə çoxlarının onların əvvəlki bəyanatlarını və çıxışlarını xatırlayaraq “bu insanlar sülh qurucularıdırmı?” dediyini gördük. Demək istəyirəm ki, Azərbaycanda da eyni hadisə baş verdi, bizim əvvəlki bəyanatlarımız, aksiyalarımız yayıldı və insanlar “bəs bu insanlar bizimlə barışmağa gəliblər?” deyirdilər", - deyə Koçinyan bildirib.

O deyib ki, indi bizim bir qırmızı xətt çəkmək və ondan kənarda işləmək imkanımız var. Əlavə edib ki, müxtəlif siyasi xadimlər bu məsələdə hər cür çaşqınlıq yaratmağa çalışırlar.

“Məncə, Ermənistanın siyasi arenasında Ermənistan-Azərbaycan və Ermənistan-Türkiyə sülh prosesinin əleyhinə çıxış edən hər kəs ya xarici agentdir, ya əclafdır, ya da nə dediyini başa düşməyən qoyundur”.

Xatırladaq ki, Areq Koçinyan noyabrın 21-22-də “Sülh körpüsü” təşəbbüsü çərçivəsində Azərbaycanda səfərdə olan nümayəndə heyətinin üzvlərindən biridir.

Adəm