Polşa "sovet əsgəri"ndən imtina etdi

Polşanın Maszevo şəhərində 1947-ci ildə sovet əsgərlərinin şərəfinə ucaldılmış abidə sökülüb.

Publika.az xəbər verir ki, bu barədə TVP məlumat verib. Qərar yerli hakimiyyət orqanları tərəfindən qəbul edilib və Polşa Milli Xatirə İnstitutu tərəfindən sökülüb.

Telekanalın məlumatına görə, iki metr hündürlüyündə olan abidə totalitar rejimləri xatırladan “təbliğat obyekti” hesab edilib. Abidə meriya binasının qarşısında olub və üstü qırmızı ulduzla örtülmüşdü, lakin onun lövhəsi və simvolları əvvəllər götürülüb. Onun yerində yeni abidənin - İkinci Dünya Müharibəsindən sonra buraya gəlmiş köçkünlərin xatirəsinə ucaldılması planlaşdırılır.

Bu, ilk belə hadisə deyil. Bundan əvvəl Plotı şəhərində Polşa-Sovet silahlı qardaşlığına ucaldılmış abidə sökülüb. Milli Xatirə İnstitutu söküntünü yayımlayıb. İlk dəfə 1955-ci ildə ucaldılan və 1977-ci ildə yenisi ilə əvəz olunan heykəl ekskavatorla sökülüb.

Qeyd edək ki, 2017-ci ildən Polşada kommunizm və totalitarizm simvolu sayılan abidələrin götürülməsi proqramı həyata keçirilir.

Adəm