Bu universitetin əməkdaşı hesabına köçürülən pulu xərclədi, həbsxanalıq oldu

Sinqapurda gənc oğlan hesabına təsadüfən köçürülmüş 9 min Sinqapur dollarını (təxmini 12 min manat) mənimsəyib və 12 həftəlik həbs cəzasına məhkum edilib.

Publika.az xəbər verir ki, bu barədə "Mothership" məlumat yayıb.

Bildirilir ki, vəsait 27 yaşlı Məhəmməd Bəşir Hanif Məhəmmədin hesabına köçürülüb. On bir gün sonra mühasibat işçisinin səhvi məlum olduqda, Məhəmmədə geri ödəmə tələb edən rəsmi məktub göndərilib. Sinqapurlu cavab olaraq hesabdan uzun müddətdir istifadə etmədiyini və ona giriş imkanı olmadığını bildirib.

Lakin müstəntiqlər Məhəmmədin pulu götürərək alış-verişə və oteldə xərclədiyini aşkar ediblər. Nəticədə o həbs edilib. Cinayətini etiraf edən Məhəmməd həyat yoldaşı ilə kirayə mənzildə yaşadığını və daim maddi çətinliklər çəkdiyini deyib. Buna baxmayaraq o, iki ilə qədər həbs cəzası ilə üzləşib, lakin məhkəmənin son qərarı ilə ona daha yüngül cəza verilib.

Qeyd edək ki, Məhəmməd Nanyanq Texnologiya Universitetinin əməkdaşıdır. Onun üzləşdiyi problem isə universitetin mühasibatlıq şöbəsinin səhvi ucbatından baş verib.

Adəm