Bu ölkələri böyük təhlükə gözləyir: İranda rejimin süqutu nəyə səbəb olacaq?

İranda rejimin süqutu ciddi geosiyasi nəticələrə səbəb olacaq. Bu, Rusiya və Putin üçün böyük məğlubiyyət olacaq.

Publika.az "Ukrinform"a istinadən xəbər verir ki, bunu keçmiş respublikaçı konqresmen Don Ritter deyib.

"İranda rejimin süqutu, xüsusən də iranlıların "Şahid-136" qırıcılarının istehsalında və onlar üçün hissələrin tədarükündə iştirakını nəzərə alsaq, Rusiya və Putin üçün böyük bir məğlubiyyət olardı", - deyə o bildirib.

Keçmiş konqresmen qeyd edib ki, qlobal səviyyədə İran və müttəfiqləri artıq məğlubiyyətə uğrayıblar.

O, İrandakı dəyişikliklərin nəticələrinin regiondan kənara çıxdığını vurğulayıb: “Rusiyadan əlavə, bu, Çin üçün də məğlubiyyət olardı. Çünki İran, Rusiya və Venesuela Çini neftlə təchiz edir və Çin də öz növbəsində bu ölkələri hərbi məqsədlər üçün istifadə edilə bilən əsas ikili təyinatlı avadanlıqlar da daxil olmaqla sənaye malları ilə təchiz edir”.

Keçmiş konqresmen bildirib ki, Maduronun qovulması ilk addım idi. Kuba məsələsi o qədər diqqət çəkməsə də, üfüqdədir. İranda hakimiyyət dəyişikliyi qlobal güc balansını əhəmiyyətli dərəcədə dəyişdirəcək.

Ritter vurğulayıb ki, İrandakı dəyişikliklər demokratik qüvvələr üçün imkanlar yarada və ölkənin Qərbə doğru yenidən yönəlməsinə yol aça bilər ki, bu da regionun və dünyanın təhlükəsizliyi və iqtisadiyyatı üçün strateji əhəmiyyət kəsb edər.

Ritter sonda vurğulayıb ki, ABŞ ölkədə etiraz hərəkatının mövqelərini gücləndirmək üçün İran rejiminin əsas elementlərinə, xüsusən də onun təbliğat infrastrukturuna və İslam İnqilabı Keşikçiləri Korpusunun qərargahına məhdud hərbi zərbələr endirə bilər.

Adəm