Dünya

BMT-dən dünyaya: İran istənilən təcavüz aktına cavab verəcək

16 Yanvar 2026 13:46

İran gərginliyin artmasına çalışmır, lakin istənilən təcavüz aktına qətiyyətlə cavab verəcək.

Publika.az "RİA Novosti"yə istinadən xəbər verir ki, bunu İranın BMT-dəki daimi nümayəndəsinin müavini Qulamhüseyn Dərzi bildirib.

"İran gərginlik və ya qarşıdurma axtarmır. Lakin birbaşa və ya dolayı yolla istənilən təcavüz aktı BMT Nizamnaməsinin 51-ci maddəsinə uyğun olaraq qətiyyətli, mütənasib və qanuni cavabla qarşılanacaq. Bu, təhdid deyil, hüquqi reallığın ifadəsidir", - deyə iranlı diplomat BMT Təhlükəsizlik Şurasının iclasında bildirib.

O deyib ki, bütün nəticələrə görə məsuliyyət tamamilə bu cür qanunsuz hərəkətlərə başlayanların üzərində olacaq.

Qeyd edək ki, BMT Nizamnaməsinin 51-ci maddəsi, hər bir üzv dövlətin silahlı hücum baş verdikdə müstəqil və ya kollektiv müdafiə hüququnu təsbit edir və bu hüquq Təhlükəsizlik Şurasının lazımi tədbirlər görməsinə mane olmur.

Adəm Abbaslı