Rusiyaya qarşı yeni raketlər aldılar: 500 kilometrdən vuracaqlar

Norveç Parlamenti ümumi dəyəri təxminən 2 milyard dollar olan 16 uzaqmənzilli çoxnövlü raket sisteminin alınması proqramını təsdiqləyib.

Publika.az xəbər verir ki, bu barədə yerli mətbuat məlumat yayıb.

Yeni silahlar Arktikada Rusiyaya qarşı çəkindirməni gücləndirmək məqsədi daşıyır. Norveç hakimiyyəti bu razılaşmanı milli müdafiənin gücləndirilməsi və şimal bölgələrində NATO-nun imkanlarının artırılması ilə əlaqələndirir.

Söhbət "Hanwha Aerospace" tərəfindən hazırlanmış Cənubi Koreyanın "Chunmoo" sistemindən gedir. O, atış məsafəsi (500 km), atəş gücü, çatdırılma müddəti və qiymət də daxil olmaqla bir sıra sahələrdə Amerikanın "HIMARS"ı da daxil olmaqla rəqiblərini üstələyib.

Mühafizəkarlar Partiyasından bildirilib ki, sözügedən silahlar cəbhə xəttindən çox uzaqda yerləşən hədəfləri vura bilir və onlar bunun müasir müharibələrdə çox vacib olduğunu düşünür.

Bu qərarlar fonunda Norveç hərbi xərclərini durmadan artırır. Ölkənin müdafiə büdcəsi 2023-cü ildəki 7,6 milyard dollardan 2028-ci ilə qədər 9,2 milyard dollara qədər artacaq ki, bu da bir sıra Avropa ölkələri tərəfindən qəbul edilən ümumi militarizasiya tendensiyasına uyğundur.

Adəm