Epşteyndən hamilə olduğu iddia edilən şahzadə sükutu pozdu: Utanıram

Epşteyn sənədlərində dəfələrlə adına rast gəlinən Norveç Vəliəhdi Mette-Marit sükutu pozub.

Publika.az xəbər verir ki, ABŞ-da ictimaiyyətə açıqlanan milyonlarla səhifəlik Ceffri Epşteyn sənədləri ikili arasındakı münasibətləri yenidən xarici mətbuatın gündəminə gətirib.

Təhlillərə görə, Mette-Marit ilə Epşteyn arasındakı münasibət ilk dəfə 2019-cu ildə ortaya çıxıb. O dövrdə Norveç mediası Mette-Maritin 2011-2013-cü illər arasında Epşteyn ilə bir neçə dəfə görüşdüyünü və onun 2008-ci ildə yetkinlik yaşına çatmayanlara qarşı cinsi cinayətlərdə məhkum edilməsinə baxmayaraq əlaqənin davam etdirdiyini yazmışdı.

2026-cı ildə dərc olunan yeni Epşteyn sənədləri münasibətlərin əvvəllər düşünüləndən daha geniş olduğunu ortaya qoyub. Fayllarda Mette-Marit ilə Epşteyn arasında yüzlərlə elektron poçt mübadiləsi var və məlumatlar göstərir ki, şahzadə Epşteynin Palm Biçdəki evini ziyarət edib və orada ən azı dörd gün qalıb. Hətta bəzi sənədlərdə şahzadənin bir vaxtlar Epşteynin uşağına hamilə olduğu iddiaları da yer alır.

Sözügedən iddialar yayılmağa davam edərkən o, məsələ ilə bağlı açıqlama verib.

"Mən səhv qərar verdim və Epşteynlə hər hansı bir əlaqədə olduğum üçün dərindən peşmanam. Bu utancvericidir. Epşteynin keçmişini daha ətraflı araşdırmadığım və onun necə bir insan olduğunu tez bir zamanda anlamadığım üçün məsuliyyəti öz üzərimə götürürəm", - deyə o bildirib.

Roza