“Körpəmi 10 dəqiqə sonra əlimdən aldılar” - Epşteyn görün nə planlaşdırırmış

Amerikalı maliyyəçi Ceffri Epşteynin işi ilə bağlı dərc olunmuş materiallarda daha bir iddia ortaya çıxıb.

Publika.az xəbər verir ki, zərərçəkmişlərdən biri olan Ceyn Dou təxəllüslü qadının ifadəsinə görə, Epşteynin fərqli xanımlardan gizli uşaqları dünyaya gəlib.

İddia olunur ki, Epşteyn övladları doğulduqdan dərhal sonra körpələri analarının əlindən alıb.

“Epşteyn mənimlə uşaq dünyaya gətirməklə üstün bir gen yaratmağı hədəfləyirdi. Ondan hamilə qaldım. 2002-ci ildə, 16 yaşımda, onun ortağı Ghislaine Maksuellin nəzarəti altında gözəl bir qız uşağı dünyaya gətirdim. Amma 10 dəqiqədən sonra körpəmi əlimdən aldılar", - o bildirib.

İddiaya görə, Epşteynin qızından əlavə, hazırda 14 yaşında olan bir oğlu da var. Sənədlərdə qeyd olunur ki, Britaniya vəliəhdi Endryunun keçmiş həyat yoldaşı Sara Ferqyuson 2011-ci ildə Epşteyni oğlu dünyaya gəlməsi münasibətilə təbrik edib.

Bununla yanaşı, Epşteyn öz DNT-sindən istifadə edərək üstün bir irq yaratmaq planını elm adamları ilə də bölüşüb. Ölümündən sonra başının və cinsiyyət orqanının dondurulmasını istəyən Epşteyn, klonlaşdırma kimi metodlar ilə körpələrin yaradılması ilə bağlı müvafiq tərəflərlə müzakirələr aparıb.

Roza