Epşteyn adasında gizli keçid: Qayaların altında elə bir şey aşkarlandı ki... - FOTOLAR

Amerikalı maliyyəçi Ceffri Epşteynə məxsus "Kiçik Sent-Ceyms” adası ilə bağlı yeni iddialar dünya mediasının diqqətini yenidən bu qalmaqallı məkana yönəldib.

Publika.az "Daily Mail"ə istinadən xəbər verir ki, sənədlərdən sızan yeni fotoşəkillər adadakı tikililərdən birinin döşəməsində yerləşən ağır və kilidli tələ qapısını üzə çıxarıb.

Rəsmi sənədlərdə bu ehtimal təsdiqlənməsə də, görüntülər uzun illərdir dolaşan “adadan dənizə gizli çıxış var” şayiələrini yenidən gündəmə gətirib.

Şahid ifadələrində bildirilir ki, adanın qayalı sahil xəttində mamır və kölgə ilə gizlənmiş, qeyri-təbii görünüşlü bir boşluq mövcuddur. Yerli dalğıclar və ərazi sakinləri bu nöqtədə kiçik qayıq və ya üzgüçünün keçə biləcəyi ölçüdə dəlik gördüklərini iddia edirlər. Həmin yerin əsas körpü və nəzarət kameralarından uzaqda yerləşməsi şübhələri daha da artırır.

Bəzi keçmiş işçilər adanın əsas tikililəri ilə ictimaiyyətə “məbəd” kimi tanınan bina arasında yeraltı tunellərin olduğunu bildiriblər. İfadələrdə kilidli qapılar, yük liftləri, biometrik sistemlər və dənizə yaxın gizli lyukdan bəhs olunur. İşçilərin sözlərinə görə, onlara “texniki sahə” adı verilən bu ərazilərə yaxınlaşmamaq tapşırılıb. Sosial mediada isə bu tələ qapısının “sübutların məhv edilməsi” üçün istifadə oluna biləcəyi iddiaları yayılıb.

Hakimiyyət orqanları isə indiyə qədər dənizlə əlaqəli hər hansı qətl və ya cəsəd faktını təsdiqləyən sübut olmadığını açıqlayıb.

Roza