Dünya

Rusiya İzmailə hücum etdi: Limanda Azərbaycan gəmiləri də var - VİDEO

8 Aprel 2026 12:09

Odessa vilayətinin cənub hissəsi gecə yenidən Rusiya dronlarının hücumuna məruz qalıb.

Publika.az xəbər verir ki, bu barədə Odessa Regional Müdafiə Ordusunun rəisi Oleq Kiper məluamt yayıb.

“Düşmən logistika və liman infrastrukturunu hədəf almağa davam edir. Dünən gecə Rusiya Odessa bölgəsinə hücum dronları ilə hücum etdi. İzmaildə zərbələr müəssisələrdən birində liman infrastrukturu obyektlərinə ziyan vurub”, - Kiper bildirib.

Kiper əlavə edib ki, mülki və liman infrastrukturuna ziyan dəyib. Hücum nəticəsində anbar binası və yardımçı otaq qismən dağılıb.

Dövlət Fövqəladə Hallar Xidmətinin məlumatına görə, xilasedicilər bütün yanğın mənbələrini tez bir zamanda söndürüblər.

OVA rəhbəri qeyd edib ki, "ölən və ya yaralananlar barədə hələlik heç bir məlumat yoxdur".

Türkiyə mənbləri bildirir ki, İzmail limanına edilən hücumda dörd gəmi zərər çəkib. Məlum olub ki, vurulan gəmilərdən heç biri Azərbaycan və Türkiyə bayrağı altında deyil.

Müəllif: Tural