Rusiya Asiya ölkələrini belə şirnikləndirir: 40 faiz ucuz satır

Yaxın Şərqdə vəziyyətə görə mayeləşdirilmiş təbii qaz (LNG) tədarükündə yaranan fasilələr fonunda, çətinlik çəkən Asiya ölkələrinə Rusiya istehsalı olan LNG təklif olunmağa başlayıb.

Publika.az xəbər verir ki, bu barədə “Bloomberg” mənbələrə istinadən məlumat yayıb.

Agentliyin mənbələrinə görə, Rusiya və Çindən olan vasitəçilər ötən həftə belə variantları açıqlayıblar.

Onlar əlavə sənədlərdə Oman və ya Nigeriyanın LNG mənbəyi kimi göstəriləcəyinə və daşınmanın qiymətinin bazar dəyərindən 40 faiz aşağı olacağına söz veriblər.

Nəşr göstərilən şərtlər altında qazın alınıb-alınmadığını təsdiqləyə bilməyib, lakin qeyd edir ki, mövcud çatışmazlıq Rusiya qazına olan marağı əhəmiyyətli dərəcədə artırır.

Xüsusilə Banqladeş qaz almaqda maraqlı ola bilər. Keçən il ölkə, qazının 60 faizini Qətərdən alırdı, lakin indi tədarükdəki fasiləni spot bazarda alış-veriş etməklə kompensasiya etmək məcburiyyətində qalıb. Hindistan da çətin şərtlərlə üzləşir ki, bu da onun daha riskli variantları araşdırmağa marağını artıra bilər.

Müəllif: Tural