Livanın bu əraziləri xəritədən silindi - Foto

Cənubi Livandakı bəzi yaşayış məntəqələrinin xəritədən silindiyi iddia olunur.

Publika.az xəbər verir ki, “WIRED Middle East” nəşrinin məlumatına görə, işğal edildiyi iddia edilən bəzi Livan kəndlərinin adları “Apple Maps”də görünmür.

Şirkət açıqlama yayaraq bildirib ki, "xəritədən silinmiş" kimi bildirilən kənd və qəsəbə adları əslində “Apple Maps”də heç vaxt mövcud olmayıb.

Eyni ərazilərin “Google Maps”də daha aydın miqyasda qeyd olunması isə müzakirələri daha da böyüdüb.

“Milliyet”ə danışan informasiya texnologiyaları üzrə mütəxəssis Osman Dəmircanın sözlərinə görə, rəqəmsal xəritələrdə görülən bu cür fərqlər birbaşa silinmə demək deyil:

“Xəritədə görünən yer adları miqyas səviyyəsindən, dil parametrlərindən, məlumat mənbələrindən və regional yeniləmələrin əhatə dairəsindən asılı olaraq dəyişə bilər. Başqa sözlə, bir yerin xəritədə aydın görünməməsi öz-özlüyündə texniki olaraq yerin tamamilə silindiyi qənaətinə gətirib çıxarmır, lakin burada məsələ sadəcə texniki bir detal olmaya bilər”.

Müəllif: Roza