Dünya

Uqandalı general "ağıllandı" - Türkiyədən ən gözəl qadını tələb etmişdi

14 Aprel 2026 11:22

Uqanda Müdafiə Qüvvələrinin rəhbəri və Prezident Yoveri Museveninin oğlu Muhoozi Kainerugaba sosial mediada Türkiyə ilə bağlı səsləndirdiyi sərt fikirlərdən geri çəkilib.

Publika.az “Hürriyet”ə istinadən xəbər verir ki, qalmaqala səbəb olan paylaşımlarını silən general sonrakı açıqlamasında daha yumşaq mövqe sərgiləyib.

“Türkiyədəki 86 milyon bacı-qardaşımı sevirəm. Təhqirlərin mənim üçün əhəmiyyəti yoxdur. Uqandadan türk xalqına sevgi göndəririk”, - deyə o bildirib.

Qeyd edək ki, Kainerugaba bundan əvvəlki paylaşımında Türkiyəyə qarşı sərt tələblər irəli sürərək 1 milyard dollar və ən gözəl qadını tələb etmişdi. O, “Əsl problem Türkiyədir. Onların hərəkətə keçməsini gözlədik, amma nəticə vermədi. Problemlərimizi həll etməsələr, növbəti 30 gün ərzində Türkiyə ilə bütün diplomatik əlaqələri kəsəcəyik. Həmçinin onların aviaşirkətlərini də bloklayacağıq” ifadələrini işlətmişdi.

Müəllif: Roza