Rusiya ordusu cəbhədə sükuta əməl etmədi - Zelenski
Bizi izləyin
Aptekonline

Dünya

Rusiya ordusu cəbhədə sükuta əməl etmədi - Zelenski

Rusiya ordusu cəbhədə sükuta əməl etmədi - Zelenski

Rusiya iki gündür genişmiqyaslı hücumlar həyata keçirmədiyi üçün Ukrayna da uzaqmənzilli hücumlardan çəkinir. Lakin Moskva tammiqyaslı müharibəyə qayıtsa, Kiyev də eyni cavabı verəcək.

Publika.az xəbər verir ki, bunu Ukrayna Prezidenti Volodimir Zelenski axşam video müraciətində deyib.

"Sevindirici haldır ki, bu günə qədər genişmiqyaslı hücumlar - raket zərbələri, hava hücumları baş verməyib. Lakin cəbhə bölgələrində, cəbhəyə yaxın ərazilərdə atışmalar, eləcə də cəbhə boyunca müxtəlif növ dron hücumları olub”, - deyə Ukrayna lideri bildirib.

Zelenski qeyd edib ki, son 24 saat ərzində və bu günə qədər artıq 150-dən çox hücum, yüzdən çox atışma və təxminən 10.000 kamikaze dron hücumu olub:

“Yəni, Rusiya ordusu cəbhədə sükuta əməl etməyib və hətta xüsusilə də cəhd göstərmir. Bütün Ukrayna bölmələrimiz güzgü kimi hərəkət edir, mövqelərimizi lazım olduğu kimi müdafiə edir”.

Oxumağa davam et
Reklam
Reklam

Gündəm

Aptekonline