6 illik sirr açıldı: Qətlə yetirib, sonra mumyalayıblar

İngiltərədə 2020-ci ildə Stour çayında parçalanmış və mumyalanmış halda tapılan şəxsin ölümü ilə bağlı 6 illik sirr açılıb.

Publika.az xəbər verir ki, bu barədə “Metro” nəşri məlumat yayıb.

Bildirilib ki, “Croft Man” adı verilən şəxsin mumyalanmış ayaqları və qolları 27 avqust 2020-ci ildə iti ilə gəzən bir şəxs tərəfindən aşkarlanıb. Daha sonra polis dalğıcları çayın təxminən 150 metrliyində plastik torbada kəllə parçaları, sümüklər və dişlər tapıblar.

Araşdırma nəticəsində həmin şəxsin hücum nəticəsində öldürüldüyü müəyyən edilib. Onun əllərinin kəsildiyi, başında isə ağır xəsarətlərin olduğu bildirilib. Mütəxəssislər bunun kimliyinin müəyyənləşdirilməsinin qarşısını almaq məqsədi daşıdığını ehtimal edirlər.

Radiokarbon analizinə əsasən, “Croft Man” 1950-ci illərin əvvəllərində doğulub və 2008-2012-ci illər arasında, 60-70 yaşlarında həyatını itirib.

Buna baxmayaraq, altı il ərzində aparılan milli və beynəlxalq axtarışlarda onun kimliyi müəyyən edilməyib.

Müəllif: Roza