İstəyinə çatmadı: Netanyahuya Trampla görüşdə Türkiyə əleyhinə danışmaq qadağan edildi

Respublikaçı senator Lindsi Qremin dəfn mərasimində iştirak etmək üçün dünən Vaşinqtona gələn İsrail Baş naziri Binyamin Netanyahu Ağ Evdə ABŞ Prezidenti Donald Trampla görüşdüyü barədə məlumat vermişdik.

Publika.az “Milliyyet” qəzetinə istinadla xəbər verir ki, görüşlə bağlı müəyyən təfərrüatlar yayılıb. Görüşdə Netanyahu Türkiyəyə qarşı F-35 məsələsini qaldıra bilməyib. Ağ Evə əsas qapıdan girişinə icazə verilməyən Netanyahu aşağı səviyyəli protokolla qarşılanıb və yan qapıdan müşayiət edilib.

Oval Ofisdə 75 dəqiqəlik qapalı görüşdən sonra Ağ Evin sözçüsü Karolin Livit sosial mediada verdiyi açıqlamada iki tərəf arasında görüşün "məhsuldar və müsbət" olduğunu söyləyib. Netanyahunun kommunikasiya direktoru Tzipi Hotoveli jurnalistlərə bildirib ki, "İsrailin ABŞ-ı İranla bağlı müəyyən bir istiqamətdə itələməsi iddiası doğru deyil. Baş nazir ABŞ prezidentinə nə etməli olduğunu demir və onu heç bir istiqamətə yönəltmir. Hər iki tərəf İranın nüvə silahı əldə etməsinin qarşısını almaq istəyir".

Hotoveli əlavə edib ki, "İsrailin əleyhinə olduğu ABŞ-ın Türkiyəyə F-35 satması məsələsi görüşdə qaldırılmayıb".

Müəllif: Tural