Netanyahunun oğluna sui-qəsd planı - ABŞ-dan gizli çıxarıldı

Netanyahunun oğlu İrandan gələn sui-qəsd təhlükəsinə görə Mayamidən təxliyə edilib.İsrail baş naziri Benyamin Netanyahunun oğlu Yair Netanyahunun İrandan qaynaqlanan sui-qəsd planının aşkarlanmasından sonra Mayamidən gizli şəkildə təxliyə edilərək İsrailə gətirildiyi iddia olunur.

Publika.az xəbər verir ki, bu barədə “Newsmax” telekanalı ABŞ hüquq-mühafizə orqanlarındkı mənbəyə istinadən məlumat yayıb.

İsrail kəşfiyyatı Yair Netanyahunu hədəf alan sui-qəsd planından 2025-ci ilin dekabrında xəbər tutub. Mənbə iddia edib ki, İran agentləri Netanyahunun oğlunun Mayamidə qaldığı evə və onun hərəkətlərinə nəzarət etmək üçün şəhərdə fəaliyyət göstəriblər.

İsrail tərəfinin ABŞ rəsmilərinə xəbərdarlıq etdiyi və Yair Netanyahudan dərhal Mayamini tərk etməsini tələb etdiyi bildirilir. Bundan sonra o, hətta şəxsi əşyalarını götürmədən İsrailə qayıdıb.

Qeyd edək ki, Benyamin Netanyahu avqustun 24-də İsrailin “Kanal 14” telekanalına açıqlamasında oğullarından birinin İranın hədəfində olduğunu bildirmişdi.

Akqabay