Qırğızıstanda qoç 1 milyon dollara satıldı
Bizi izləyin

Dünya

Qırğızıstanda qoç 1 milyon dollara satıldı

Qırğızıstanda qoç 1 milyon dollara satıldı

Qırğızıstanda ətlik araşan cinsindən olan qoç 1 milyon dollara satılıb.

Publika.az xəbər verir ki, bu barədə Qırğızıstan Kənd Təsərrüfatı Nazirliyi məlumat yayıb.

Bildirilib ki, sövdələşmə Rusiya, Qırğızıstan, Qazaxıstan, Özbəkistan və Tacikistandan fermerlərin iştirak etdiyi beynəlxalq festival çərçivəsində baş tutub.

Məlumata görə, satılan qoç 2023-cü ildə Qazaxıstanda 150 min dollara alınan Frankel adlı qoçun nəslindəndir.

Araşan cinsi Qırğızıstanda 2021-ci ildə rəsmi qeydiyyata alınıb. Cinsin yaradılması üçün işlərə 1970-ci illərdə Çuy vilayətində başlanılıb. Onun yetişdirilməsində Tacikistandan gətirilən hisar qoçları və yerli qaba yunlu ana qoyunlardan istifadə olunub.

Nazirliyin məlumatına əsasən, araşan qoyunları zərif və şirəli ət, eləcə də yüksək miqdarda quyruq piyi verməsi ilə seçilir. Cins yüksək dağlıq ərazilərin və vadilərin iqlim şəraitinə uyğunlaşıb, uzun müddət otlaqda saxlanmaya və tövlə şəraitinə davamlıdır.

Müəllif: Roza

Oxumağa davam et
Reklam
Reklam

Gündəm

Zəfaran Hospital
Səba