Dünya

İran ABŞ-a Hörmüzlə bağlı 7 günlük plan göndərdi

26 Sentyabr 2026 02:00

İran Hörmüz boğazında naviqasiyanın bərpası üçün ABŞ-a Qətər vasitəsilə yeddi günlük plan təqdim edib.

Publika.az xəbər verir ki, bunu İranın xarici işlər naziri Abbas Əraqçi jurnalistlərə açıqlamasında deyib.

“Lazımi şərtlər yerinə yetirilərsə, boğaz yenidən açılacaq və yeddi gün ərzində normal naviqasiya bərpa olunacaq. Seçim ABŞ-ındır”, - deyə Əraqçi bildirib.

Nazirin sözlərinə görə, yeddi günlük müddətin hesablanması ABŞ-ın planı qəbul etməsindən sonra başlayacaq. O qeyd edib ki, yeddinci gün İran ABŞ ilə danışıqlara başlamağa hazır olacaq.

Əraqçi əlavə edib ki, İranın planında irəli sürülən tələblər ABŞ ilə anlaşma memorandumunda əksini tapan tələblərə bənzəyir.

İran XİN rəhbəri ABŞ-ın sanksiyalardan İran xalqına qarşı kollektiv cəza və siyasi təzyiq vasitəsi kimi istifadə etdiyini də iddia edib.

"Bu, diplomatiya deyil, məcburetmə və iqtisadi terrorizmdir", – nazir vurğulayıb.