Təyyarənin qapısını açmağa çalışdı - Göydə əlbəyaxa oldular
Bizi izləyin

Dünya

Təyyarənin qapısını açmağa çalışdı - Göydə əlbəyaxa oldular

Təyyarənin qapısını açmağa çalışdı - Göydə əlbəyaxa oldular

Boqotadan Frankfurta uçan "Boeing 787" təyyarəsində 33 yaşlı sərnişin qapını açmağa çalışıb.

Publika.az xəbər verir ki, hadisə təyyarə 9 kilometrdən çox yüksəklikdə olarkən baş verib. Kişi qəfil yerindən qalxaraq təyyarənin qapısına yaxınlaşıb və onu açmaq istəyib. Ekipaj üzvləri sərnişindən hərəkətlərini dayandırmasını tələb etsələr də, o, buna məhəl qoymayıb.

Vəziyyət qısa müddətdə əlbəyaxa qarşıdurmaya çevrilib. Bort bələdçiləri kişini qapıdan uzaqlaşdırmağa çalışıb, onlara iki sərnişin də kömək edib. Birgə səylər nəticəsində 33 yaşlı kişi zərərsizləşdirilib və uçuşun sonuna qədər nəzarətdə saxlanılıb.

Təyyarə marşrutunu dəyişmədən Frankfurt hava limanına enib. Enişdən sonra sərnişin polis tərəfindən saxlanılıb və vəziyyətinə görə psixiatriya klinikasına yerləşdirilib.

Hadisə ilə bağlı hava nəqliyyatının təhlükəsizliyinə təhdid yaratmaq şübhəsi ilə cinayət işi başlanıb.

Publika.az

Oxumağa davam et
Reklam
Reklam

Gündəm

Zəfaran Hospital
Səba