Zelenskinin tələbi Avropa Komissiyasını çətin vəziyyətə saldı
Bizi izləyin

Dünya

Zelenskinin tələbi Avropa Komissiyasını çətin vəziyyətə saldı

Zelenskinin tələbi Avropa Komissiyasını çətin vəziyyətə saldı

Avropa Komissiyası Ukraynanın 2027-ci il üçün maliyyələşdirmə kəsirini qarşılamaq yollarını axtarır. Brüssel ilin sonunadək bu məsələ ilə bağlı siyasi razılaşma əldə etməyi planlaşdırır.

Publika.az xəbər verir ki, bu barədə “Rapporteur” portalı məlumat yayıb.

Bildirilib ki, Avropa Komissiyasının sənədinə əsasən, döyüş meydanında ehtiyacların sürətlə dəyişməsi Ukraynaya gələcək dəstəyin maliyyələşdirilməsində çevik yanaşma tələb edir.

Məlumata görə, sözügedən sənəd Ukrayna prezidenti Vladimir Zelenskinin Kiyevin hərbi ehtiyacları üçün ən azı 70 milyard avro ayrılmasına hazırlıq görülməsi tələbindən sonra hazırlanaraq Aİ-yə üzv ölkələrə göndərilib.

Qeyd olunur ki, Aİ liderləri noyabrda keçiriləcək növbədənkənar sammitdə Ukraynanın 2027-ci il üçün maliyyə çatışmazlığının aradan qaldırılması yollarını müzakirə edəcəklər. Bununla belə, Avropanın tələb olunan vəsaiti haradan əldə edəcəyi hələ də bəlli deyil.

Müəllif: Roza

Oxumağa davam et
Reklam
Reklam

Gündəm

Zəfaran Hospital
Səba