Çin 3 türkü edam etdi
Bizi izləyin

Dünya

Çin 3 türkü edam etdi

Ötən il Çinin cənubunda bir qatar stansiyasında həyata keçirilən və 31 nəfərin öldüyü hücuma görə ittiham olunan 3 uyğur türkü edam edilib.

Publika.az xarici mediaya istinadən xəbər verir ki, Kunming şəhərinin Xalq Məhkəməsi ötən ilin oktyabr ayında Yunnan vilayətinin Ali Xalq Prokurorluğu tərəfindən edamı təsdiqlənən İskəndər Ehet, Turgun Tohtunyaz və Həsən Məhəmmədin ölüm cəzasının icra olunduğunu açıqlayıb.

Hücuma görə ittiham olunan digər şübhəli Patigül Tohti isə ömürlük azadlıqdan məhrum edilib.

Xatırladaq ki, Yunnan vilayətinin Kunming şəhərində ötən il əllərində bıçaqlar olan bir qrup qatar stansiyasına hücum edib. Nəticədə 31 nəfər ölüb, 141-i yaralanıb. Çin hadisəni “terror hücumu” olaraq xarakterizə edib.

Ömər Dağlı

Oxumağa davam et
Reklam
Reklam

Gündəm