Paris Kuba uğrunda savaşa qoşuldu
Bizi izləyin

Dünya

Paris Kuba uğrunda savaşa qoşuldu

Fransa prezidenti Fransua Olland Kubaya səfər edib.

Publika.az “France-Press” agentliyinə istinadən xəbər verir ki, Olland birgünlük səfəri çərçivəsində kubalı həmkarı Raul Kastro ilə görüşəcək.

Fransua Olland 100 ildən çox bir müddətdə ada dövlətinə səfər edən ilk Fransa prezidenti olub. Fransa prezidentinin Havanaya səfəri ABŞ və Kuba arasında münasibətlərin normallaşmağa başlamasından sonra reallaşması diqqət çəkir.

Fransa prezidenti bildirib ki, ölkəsi çoxillik iqtisadi blokadadan əziyyət çəkən Kuba iqtisadiyyatına yardım edəcək.

Xatırladaq ki, ABŞ və Kuba bir neçə on il davam edən qarşıdurmadan sonra 17 dekabr 2014-cü ildə münasibətləri bərpa etmək barədə niyyətini elan ediblər. ABŞ 1959-cu il Kuba inqilabı və Fidel Kastronun hakimiyyətə gəlməsindən sonra Kubaya ticarət embarqosu tətbiq edib. 1961-ci ildən isə Vaşinqton Havana ilə diplomatik münasibətləri kəsib.

Kuba lideri Raul Kastro isə Böyük Vətən Müharibəsində qələbənin 70-ci ildönümü ilə bağlı Moskvanın Qızıl Meydanında keçirilən paradda iştirak edərək hələlik Rusiyaya güvəndiyini nümayiş etdirib.

Ömər Dağlı

Oxumağa davam et
Reklam
Reklam

Gündəm