Milli parklarda gözlənilən hava şəraiti açıqlandı

Avqustun 6-dan 12-dək milli parklarda gözlənilən hava şəraiti açıqlanıb.

Bu barədə Publika.az-a Milli Hidrometeorologiya Xidmətindən məlumat verilib.

Milli parklarda gözlənilən hava şəraiti aşağıdakı kimidir:

Göygöl milli parkı

Hava əsasən yağmursuz keçəcək. Lakin 7-də axşam, 8-də isə gündüz arabir leysan xarakterli yağış yağacağı şimşək çaxacağı gözlənilir. Qısamüddətli dolu düşəcəyi ehtimal olunur.

Şərq küləyi əsəcək, 7-8-də arabir güclənəcək.

Havanın temperaturu gecə 18-20° isti, gündüz 28-30° isti olacaq.

Şahdağ milli parkı

Havanın əsasən yağmursuz keçəcəyi, lakin axşam saatlarında, 8-də isə gün ərzində arabir yağış yağacağı, şimşək çaxacağı gözlənilir. Leysan xarakterli olacağı, dolu düşəcəyi ehtimalı var. Gecə və səhər saatlarında duman olacaq. Şərq küləyi əsəcək, 7-8-də arabir güclənəcək.

Havanın temperaturu gecə 16-19° isti, gündüz 33-35° isti olacaq.

Altıağac milli parkı

Havanın əsasən yağmursuz keçəcəyi, lakin 11-də axşam arabir yağış yağacağı, şimşək çaxacağı ehtimalı var. Mülayim şərq küləyi əsəcək.

Havanın temperaturu gecə 16-19° isti , gündüz 33-35° isti olacaq.

Samur–Yalama milli parkı

Şimal bölgəsinə səyahət edənləri əsasən yağmursuz hava şəraiti gözləyir, lakin 8-də gecə qısamüddətli yağış yağacağı ehtimalı var. Mülayim şərq küləyi əsəcək.

Havanın temperaturu gecə 23-25° isti, gündüz 32-35°isti olacaq.

Şirvan milli parkı

Sabit, yağmursuz hava şəraiti gözlənilir.

Şərq küləyi əsəcək.

Havanın temperaturu gecə 24-26° isti, gündüz 35-37° isti olacaq.

Ağgöl milli parkı

Yağmursuz hava şəraiti gözlənilir.

Şərq küləyi əsəcək, 7-8-də arabir güclənəcək.

Havanın temperaturu gecə 24-26° isti, gündüz 35-38° isti olacaq.

Qızılağac milli parkı

Havanın əsasən yağmursuz keçəcəyi, lakin 8-də gecə və səhər, 10-u gündüz arabir yağış yağacağı gözlənilir. Mülayim şərq küləyi əsəcək.

Havanın temperaturu gecə 21-24° isti, gündüz 34-36° isti olacaq.

Hirkan milli parkı

Cənub zonasına səyahət edənləri mülayim, yağmursuz hava şəraiti gözləyir.

Mülayim şərq küləyi əsəcək.

Havanın temperaturu gecə 21-24° isti, gündüz 34-36° isti olacaq.