Elm və təhsil
“Kaspi” Təhsil Şirkəti ilə “Gənc istedadlar” liseyi şagirdlərinin rəsm sərgisi açıldı
Azərbaycan Xalq Cümhuriyyəti və Bakı Dövlət Universitetinin yaradılmasının 100 illik yubileyi münasibətilə “Kaspi” Təhsil Şirkəti ilə BDU nəzdindəki “Gənc istedadlar” liseyi şagirdlərinin rəsm əsərlərindən ibarət sərginin açılışı olub.
Publika.az xəbər verir ki, “Kaspi” Təhsil Şirkətinin təsisçisi Sona Vəliyeva tədbiri açaraq Azərbaycan Xalq Cümhuriyyəti və BDU-nun 100 illik yubileylərinə həsr olunmuş tədbirin əhəmiyyətini qeyd edib, onun işinə uğurlar arzulayıb. “Kaspi”nin yaranma tarixindən, missiyasından və gələcək hədəflərindən bəhs edən Sona Vəliyeva “Kaspi” Təhsil Şirkəti və Bakı Dövlət Universiteti arasında imzalanmış əməkdaşlıq müqaviləsindən danışıb, liseylərarası əlaqələri yüksək qiymətləndirib. Hər iki lisey şagirdlərinin çəkdikləri rəsm əsərlərinin yüksək peşəkarlıqla qələmə alındığını bildirən Sona Vəliyeva onlara gələcək fəaliyyətlərində uğurlar arzulayıb.
BDU-nun rektoru, akademik Abel Məhərrəmov prezident İlham Əliyevin sərəncamı ilə “Xüsusi istedada malik olan şagirdlərin yaradıcılıq potensialının inkişafı üzrə Dövlət proqramı”nın qəbulundan sonra bu proqrama uyğun olaraq 2007-ci ildən fəaliyyətə başlayan “Gənc istedadlar” liseyinin başlıca vəzifə və hədəflərindən bəhs edib. Liseyin əməkdaşlıq etdiyi təhsil müəssisələrindən danışan rektor “Kaspi” Təhsil Şirkəti ilə əlaqələri xüsusilə qeyd edib və bu qurumun fəaliyyət göstərdiyi müddət ərzində əldə etdiyi uğurları diqqətə çatdırıb. BDU-nun rektoru sonda rəsm sərgisinin şagirdlərin gələcək fəaliyyətləri və yaradıcılıq imkanlarının genişləndirilməsi baxımından böyük bir stimul olacağını bildirib.
Tədbirdə “Xalq Cəbhəsi” qəzetinin baş redaktoru Elçin Mirzəbəyli, “İki sahil” qəzetinin baş redaktoru Vüqar Rəhimzadə çıxış edib və şagirdlərin istedadını yüksək qiymətləndiriblər. Sonra “Kaspi” Təhsil Şirkəti və “Gənc istedadlar” liseyi şagirdlərinin rəsm əsərləri nümayiş etdirilib.
Hər liseydən 5 nəfər olmaqla on şagird 1-ci, 2-ci və 3-cü yerlərin qalibi olub, digər şagirdlərə isə Fəxri Fərmanlar təqdim edilib. Onu da bildirək ki, yaxın günlərdə liseylərarası stolüstü tennis, şahmat, futbol və intellekt yarışlarının keçirilməsi nəzərdə tutulur.
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!
-
Hadisə24 Aprel 21:49
Vətən müharibəsi iştirakçısı anasının xəstəliyini eşidib intihar etdi
-
Magazin124 Aprel 21:05
O getdi, mən də daha yoxam! - Əməkdar artist səhnə ilə vidalaşdı
-
Sosial24 Aprel 19:35
Özünü öldürən sabiq pediatrın iş yoldaşı DANIŞDI: “Ailə məsələsi deyil..."
-
ABŞ24 Aprel 19:25
Bayden Ukraynaya hərbi yardım haqqında qanunu İMZALADI
-
Rəsmi xronika24 Aprel 18:40
Prezidentlər mətbuata bəyanatlarla çıxış etdilər - FOTO/YENİLƏNDİ
-
Hadisə24 Aprel 18:33
Bakı hava limanında həyəcan siqnalı: Təyyarə qəza enişi etdi - FOTO