DİM şagirdlərin xarici dil bacarıqlarını bu üsulla yoxlayacaq

Dövlət İmtahan Mərkəzi 2019-cu ildə keçiriləcək ümumi və tam orta təhsil səviyyəsi üzrə buraxılış imtahanlarında şagirdlərin xarici dil fənni üzrə “dinləyib-anlama” bacarıqlarının necə yoxlanılacağını açıqlayıb.

DİM-in mətbuat xidmətindən Publika.az-a verilən məlumata görə, xarici dil fənn kurikulumuna əsasən ümumi (9 illik) və tam (11 illik) orta təhsil səviyyəsində "Dinləyib-anlama" məzmun xətti üzrə müraciətlər zamanı sadə sualları cavablandırmaq, müraciətlərə uyğun tapşırıqları ardıcıl icra etmək, dinlənilən mətndəki fakt və hadisələri qruplaşdırmaq, ümumiləşdirmələr aparmaq bacarıqları nəzərdə tutulur. Təqdim edilən dinləmə mətnlərinə aid tapşırıqlarda bu bacarıqlar yoxlanılacaq.

Bu linkdə (http://dim.gov.az/news/2504/?fbclid=IwAR19e6TJZ_N2-uGipfOKHCkWbHGQgZ2jb6MX2MTpHRFjmJI2myiI1vPsM84) nümunə audio materiallar təqdim olunur. Mətni kompüterinizə yükləmək üçün “mausun” sol düyməsini sizə lazım olan fənnin üzərində sıxmağınız kifayətdir.

Qeyd edək ki, 10 gün müddətində dərc ediləcək "Abituriyent" jurnalının xüsusi buraxılışında burada yerləşdirilən audio mətnlərə aid tapşırıqlarla tanış ola biləcəksiniz.