Azərbaycanda təhsillə bağlı MÜHÜM YENİLİK: BUNDAN SONRA...

“Təhsil haqqında” qanuna müəllim köməkçisi (inklüziv təhsilin həyata keçirildiyi ümumi təhsil müəssisələrində pedaqoji prosesin təşkilində müəllimə kömək edən ixtisaslı mütəxəssis) anlayışı gətirilib.

Bunu Milli Məclisin Elm və təhsil komitəsinin sədri Bəxtiyar Əliyev deyib.

Onun sözlərinə görə, müəllim köməkçiləri də müəllimlərlə bərabər eyni hüquqlara, imtiyazlara malik olacaqlar:

"“Təhsil haqqında” qanuna inkülziv təhsil anlayışını gətirməklə sağlamlıq imkanları məhdud olan şəxslər adi məktəblərdə həmyaşıdları ilə birlikdə təhsillərini davam etdirə biləcəklər. Bu zaman onların sağlamlıq imkanları məhdud olduğu üçün köməyə ehtiyacı olur. Bu halda müəllim köməkçisi vəzifəsini tutan, amma xüsusi hazırlıqlı, pedaqoji təhsilli köməkçilər olacaq ki, onlar həmin yardım funksiyalarını yerinə yetirəcəklər. Əgər ali və orta ixtisas təhsili müəssisələrində oxuyan sağlamlıq imkanları məhdud şəxslərin də belə köməyə ehtiyacı olarsa, sözsüz ki, orada da bu məsələlər nəzərə alınacaq”. (trend)