Elm və təhsil

"İlin sözü" açıqlandı

21 Noyabr 2024 08:55

"Manifest" ("manifestləşdirmək") feili 2024-cü ilin sözü elan edilib.

Publika.az xəbər verir ki, bu barədə Kembric Universitetinin Mətbuat Xidməti məlumat yayıb.

Bildirilib ki, bu il Kembric Lüğətinin saytında "manifest" sözü təxminən 130 min dəfə axtarışa verilib.

İstifadəçilər arasında ən populyar sözlərdən birinə çevrilən "manifest" istədiyiniz bir şeyə nail olmaq üçün artıq onu əldə etdiyinizi vizuallaşdırmaq və təsdiqləmək kimi metodlardan istifadə etmək mənasına gəlir.

Qeyd olunub ki, bu feildən əvvəlcə sosial şəbəkələr də daxil olmaqla müxtəlif özünüinkişaf qruplarının iştirakçıları istifadə etməyə başlayıblar. Zaman keçdikcə bu söz müğənni Dua Lipa və İngiltərə millisinin futbolçusu Olli Uotkins də daxil olmaqla, dünya məşhurlarının leksikonuna daxil olub.