Foto

Bakı metrosu bu gün - FOTO

14 Sentyabr 2020 13:45

72 gündən sonra yenidən fəaliyyətini bərpa edən Bakı Metropoliteni səhər saat 06:00-dan etibarən ilk sərnişinlərini qarşılamağa başlayıb.

Publika.az xəbər verir ki, koronavirus pandemiyasına qarşı elan edilən qabaqlayıcı tədbirlər çərçivəsindəki xüsusi karantin rejimi müddətində paytaxt sakinlərinin sağlamlığını qorumaq üçün bağlanan yeraltı nəqliyyat vasitəsində bəzi qaydalara riayət etmək məcburidir.

Bu tələblər bütün ictimai nəqliyyat vasitələrində olduğu kimi qoruyucu maskadan istifadə, sosial məsafənin qorunması və gigiyenik qaydalara riayət etməkdən ibarətdir.

Uzun müddət sonra fəaliyyətini bərpa etməsinə baxmayaraq, ilk gün metrostansiyalarda sərnişin sıxlığı müşahidə edilməyib.

Metropolitenin fəaliyyətinin bərpası şəhər sakinləri tərəfindən müsbət qarşılanıb. İctimai nəqliyyat istifadəçiləri bununla sərnişin avtobuslarında yaranan sıxlığın qarşısının nisbətən alındığını, ictimai nəqliyyatın yükünün balanslaşdırıldığını bildirir.

Zümrüd,

FOTO: Pərviz Həşimi