Bu ölkənin pulu qlobal valyuta olacaq - Dollar dövrü bitir?

Qalmaqallı maliyyəçi Ceffri Epşteynə aid açıqlanan sənədlərdə Rusiya rublu ilə bağlı maraqlı proqnoz yer alıb.

Publika.az xəbər verir ki, ABŞ Ədliyyə Nazirliyinin yaydığı sənədlərdə Epşteynin rublun gələcək qlobal valyuta olacağına inandığı qeyd olunur.

O, Norveçin keçmiş Baş naziri Torbyorn Yaqlanda göndərdiyi elektron məktubda yazıb: “Növbəti həqiqətən qlobal valyuta Çin yuanı deyil, Rusiya rublu olmalıdır”.

Xatırladaq ki, Epşteynə aid minlərlə sənəd, məktub və yazışma ictimaiyyətə açıqlanıb. Həmin materiallarda Donald Trampdan tutmuş Bill Qeytsə qədər bir çox nüfuzlu qlobal fiqurlarla bağlı ittihamedici məqamlar yer alır.

Maliyyəçi çoxsaylı ağır cinayətlərdə, o cümlədən siyasətçilər və iş adamları ilə intim münasibətlər, orgiyaların təşkili və yetkinlik yaşına çatmayanların insan alverinə cəlb olunmasında iştirakda ittiham edilib. Epşteyn 2008-ci ildə fahişəliyə təşviq ittihamı ilə günahını etiraf edib və yetkinlik yaşına çatmayan qızı zorladığı üçün məhkum olunub. O, 2019-cu ildə insan alveri və fahişəliyə təşviq ittihamları ilə yenidən həbs edilib və məhkəmə prosesi başlamazdan əvvəl intihar edib.