İqtisadi gündəm

Bu rayonlardan sahibkarlar Prezidentə şikayət edir

19 Fevral 2015 09:43

Prezident İlham Əliyevə ən çox hansı bölgələrdən sahibkarların şikayət etdiyi məlum olub.

Axar.az xəbər verir ki, Prezident Administrasiyasının Sənədlərlə və vətəndaşların müraciətləri ilə iş şöbəsinin müdiri Süleyman İsmayılovun AzərTAc-da dərc olunmuş geniş məqaləsində bu rayonların siyahısı açıqlanıb.

S.İsmayılov yazıb ki, sahibkarlıq məsələləri ilə bağlı daha çox müraciət Bakı, Gəncə, Mingəçevir, Şəki şəhərlərindən daxil olub.

Məqalədə deyilir ki, Beyləqan, Füzuli, Göygöl, İmişli rayonlarından da iş adamlarının müraciəti az deyil. Eyni zamanda, Masallı, Saatlı, Tərtər, Zərdab və başqa rayonların da adları çəkilib.

Qeyd edək ki, Prezident keçirdiyi müşavirələrdə sahibkarlara maneçilik yaradanlara xüsusi xəbərdarlıq edib.