Hadisə

Goranboyda qohumlar əlbəyaxa oldu: qayınata və kürəkən xəsarət aldı

3 İyul 2017 10:57

Faktla bağlı araşdırmalara başlanılıb.

Goranboy rayonunda kütləvi dava olub, xəsarət alanlar var.

Kütləvi dava Alacalı kəndində qohumlar arasında baş verib. Hadisə zamanı xəsarət alanlar qayınata və kürəkən olub. Belə ki, davadan sonra qarşı tərəf maşını onların üstünə sürüb. Eyni zamanda, qarşı tərəfdən iki nəfər üz və baş nahiyələrindən xəsarət alıblar. Onlar ambulator müayinədən sonra evə buraxılıblar.

Mübahisə zəminində baş vermiş əlbəyaxa dava zamanı Tərtər rayon sakini, 1990-cı il təvəllüdlü Teyyub Fərrux oğlu Quliyev və Goranboy sakini, 1977-ci il təvəllüdlü Mirzeyev Ağa Ziyad oğlu müxtəlif bədən xəsarətləri alıb. Onların hər ikisi Goranboy rayon Mərkəzi Xəstəxanasına yerləşdirilib. Vəziyyətlərinin ağır olduğu bildirilir.

Faktla bağlı araşdırmalara başlanılıb. (report)