Hadisə

Nobel prospektində “BMW” dəhşətli qəza törətdi – ÖLƏN VAR (YENİLƏNDİ)

19 Fevral 2019 13:27

Daxili İşlər Nazirliyi Bakı şəhər Xətai rayonunda baş vermiş yol qəzası ilə bağlı məlumat yayıb.

Publika.az nazirliyin mətbuat xidmətinə istinadən xəbər verir ki, fevralın 18-də saat 15 radələrində Xətai rayonunun Nobel prospektində Bakı şəhər sakini A.Mənsimov idarə etdiyi “BMW” markalı avtomobillə yolu keçən paytaxt sakini Ə.Əliyevi vurub. Nəticədə xəstəxanaya yerləşdirilmiş piyada orada ölüb.

Xətai RPİ tərəfindən araşdırma aparılır.

*****

10:54

Bakıda ölümlə nəticələnən yol qəzası baş verib.

Publika.az xəbər verir ki, Xətai rayonu ərazisində - Nobel prospektində “BMW” markalı, 90 EM 495 dövlət qeydiyyat nişanlı minik avtomobili yolu keçməyə çalışan yaşlı kişini vurub. Zərbənin gücündən xeyli kənara düşən piyada hadisə yerində ölüb.

Hadisə yerinə polis əməkdaşları gəlib.

Faktla bağlı Xətai rayon Polis İdarəsində cinayət işi açılıb, araşdırma aparılır.

Nizam