FHN 4 nəfərin öldüyü dəhşətli qəza ilə bağlı məlumat yaydı - FOTO - (YENİLƏNDİ)

Fövqəladə Hallar Nazirliyinin "112" qaynar telefon xəttinə daxil olan məlumata əsasən, Şirvan şəhərində “Hyundai” markalı minik avtomobili yol kənarındakı maneəyə çırpılıb.

Nazirlikdən Publika.az-a verilən məlumata görə, hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri sıxılı vəziyyətdə qalan 1985-ci il təvəllüdlü Şamilov Qadir Cəfər oğlunun meyitini deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.

***

13:02

Şirvanda ağır yol qəzası nəticəsində ölənlərin adları məlum olub.

Bunlar Saatlı rayon sakini, 1977-ci il təvəllüdlü Zeynalova Pərvanə Saleh qızı, Tərtər rayon sakini, 1953-cü il təvəllüdlü Dadaşova Eyzangül Kərəm qızı və əslən Salyan rayonundan olan, Tərtər rayonunda yaşayan, 1985-ci il təvəllüdlü Hüseynova Zahirə Oruc qızıdır. (report)

***

11:15

Şirvan şəhərində ağır yol-nəqliyyat hadisəsi baş verib.

Publika.az "Report"a istinadən xəbər verir ki, hadisə şəhərin giriş hissəsində qeydə alınıb.

Qəza nəticəsində 4 nəfər dünyasını dəyişib.

Faktla bağlı araşdırma aparılır.