Hadisə

Bakıda məşhur masaj salonunda ƏMƏLİYYAT - SAXLANILANLAR VAR

5 Avqust 2020 19:24

Bakının Xətai rayonunda xüsusi karantin rejimin qayda və tələblərinin şərtlərinin pozulması ilə müşayiət olunan “Magic Tours - Massage Center” aşkar olunaraq fəaliyyəti dayandırılıb.

Bakı Şəhər Baş Polis İdarəsinin Mətbuat Xidmətindən Publika.az-a verilən məlumata görə, Xətai Rayon Polis İdarəsinin əməkdaşlarının keçirdiyi tədbirlərlə rayon ərazisində sahibkarlıq subyektinin icarədarı, işçiləri və müştəriləri inzibati məsuliyyətə cəlb olunublar.

Ümumilikdə 10 nəfər saxlanılaraq barələrində qanunvericiliyə uyğun tədbirlər görülüb.

İnzibati Xətalar Məcəlləsinin 211-ci maddəsinə uyğun olaraq, obyektin icarədarı S.Sultanlı 6 000 manat, digərləri 100 manat cərimə olunublar.