Hadisə

Arif Quliyev vəfat edib? - TƏBİB-dən AÇIQLAMA

27 Aprel 2021 09:24

Azərbaycanın Xalq artisti Arif Quliyevin koronavirusdan vəfat etdiyi barədə məlumatlar yayılıb.

Publika.az xəbər verir ki, sosial şəbəkələrdə “Yeni Klinika”da müalicə olunan aktyorun ötən gün dünyasını dəyişdiyi bildirilib.

Hətta Xalq artistinin ölümü ilə əlaqədar tanınmış simalar da sosial şəbəkələrdə başsağlığı veriblər.

Əməkdar artist Aybəniz Haşımova sosial şəbəkədə post paylaşaraq Arif Quliyevin ailəsinə başsağlığı verib.

Tibbi Ərazi Bölmələrini İdarəetmə Birliyindən Publika.az-a bildirilib ki, yayılan məlumatlar həqiqəti əks etdirmir, Xalq artisti "Yeni Klinika"da müalicə olunur"

Qeyd edək ki, A. Quliyev bir neçə gün bundan əvvəl koronavirusa yoluxub. Onun vəziyyətinin ağırlaşdığı üçün "Yeni Klinika”ya yerləşdirilib. 6 gün bundan əvvəl xəstəxanada süni tənəffüs aparatına qoşulub.